Nan sezon Black Lives Matter sa a, anpil moun te espantan lè yo wè foto ak videyo yon Jij ki pase men nan kou yon kriminèl ki rele Amber Guyger. Kèk minit anvan sa, se Brandt, ti frè Botham Jean, viktim nan, ki te mande jij la pèmisyon, onon Jezi, pou li vin bay fanm ki touye frè l la yon gwo akolad, manch long. Ojis, Brandt Jean di li pa ta vle Amber Guyger ale nan prizon ditou. Sèl sa li ta vle se pou manmzèl ta “aksepte Jezi” kòm sovè pèsonèl li. Ata yon polis ki te nan tribinal la, jou sa a, te vin karese cheve kriminèl la.
Se ak anpil bravo lakontantman yon kategori moun te akeyi imaj sa yo. Yo di sa se bèl ekzibisyon santiman konpasyon, padon, grandèdàm fanmi viktim nan, jij la, polisye ki nan tribinal la.
E Jafrikayiti ak oditè Randevou Ayisyen yo, ki sa yo di?
| Anba latè Ozone - Klere 
|
Subscribe to Rendez-vous Haïtien